Saturday, January 27, 2007

chori kiya re...


30 march 2006

10 am.

Bistar par bikhare pade sal bhar bitaye lamho ko ek-ek kar samet rahi thi jab 98.4 FM yaroo dosti badi hi hansi hai suna raha tha. Radio mirchi 98.4 FM gaan khatam hote hi sunai diya pahli bar us roking tune me bhi dard laga,laga ye dhun dobara kabhi sunayi na degi.Na monika galexi me free ki ice cream khayenge aur na saturday night mirchi ki dhun par rat bhar nachenge.

kanoo par doosara gana sunai diya aur maine doud kar volume tez ki, gana tha le chale le chale..
padosi room se awaz aai "aaj to sare gane jane walo ke liye hi baj rahe hai ye charoo(radio mirchi's RJ) ko ghoos khila kar aayi hai".

"Mujhe pata hai pinka tumhara gala kharab hai kitni bar bola hai pasine me pani nahi pina chahiye".

Main itna tez cheekh rahi thi ki gane ki awaz ke bich pinka acche se sun sake par kano me awaz padi "batane ki zaroorat nahi hai ki tum aaj 1 baje ja rahi hoo".... wo mere piche khadi mera saaman samet rahi thi.

To hamare liye kitna chodkar ja rahi hoo, tumhe wapas bhi to aana hai aadha saman to tum bhoolkar hi jaogi naa ..?

Dekhte hi dekhte mera 10x20 ka room jo bas chand aur ghante mera tha bhid se bhar gaya.
Choti, Pinka , kali, Pragy, Ritu, Asmi di, Nehu, Chiki, Shobha n one who now doesnt exist for me now!
Me : Are yar darwaza band karo kuch bahut important bat karni hai
(choti ne bhag kar kundi lagai chatakani bhi. )
Choti: ha di jaldi batao kya bat hai ?
Me:Accha me pahle hi bata rahi hoo jitane log yaha hai koi bhi bahar jakar kuch nahi bolega. Yaha diwaro ke bhi kan hote hai, koi kuch nahi bolega pakka !
(Sab log ek sur me): Pakka !!
Me: ok to suno ! main hostel se ek chiz churakar le ja rahi hoo
kuch to yad rahni chahiye na !
Choti: kya? konsi chiz?(start guessing)
Gas lighter?
Himangi di ki CD?
Gunde ka kuch...
Ya phir abhi ka milk mug?
Me:Abe nahi yaar in sab ka main kya karoongi
Chiki: To phir?
Me:dont worry beta tum log ka kuch nahi le ja rahi
warna tumhe yaha bethkar batati thode hi
pragy:(fade up by all this)
chalo chalo sabha samapt ye last time jate jate bhi sabko bewkoof banakar jayegi..
Oye! tujhe sharam nahi aati jate hue bhi gaali sunkar jayegi, chal packing kar chup chap
Kali: Chalo chalo yar ye he na phaltoo ulloo bana rahi hai but aap bhi sun lo is bar ham bewkoof banane wale nahi!
(ek-ek karke sab badbadate hue nikal gaye par Pragy ab bhi mere bed par takiya laker padi thi)
Me:Ha beta aaj aur is bed par so lo kal se nilam di ka chadar bikherana
Pragy:Ha yaar tu chali jayegi to mujhe pakane wala koi nahi rahega :(
Me: i know, aur phir tujhe din me godmorning karke uhane wala bhi koi nahi hoga na
Pragy:(utsukata se ) waise tu le kya jane wali thi..
(darwaze ke khoolane ki aawaz choti wapas room me )
Me:beta tujhe school nahi jana aaj
Choti:Di aap sach main ja rahe hoo
phir me aamlet banane par kisko datungi
apne bakwas poem kisko sunaongi ,pragy di ki burai kisse karoongi
accha wo sab chodo exam aa rahi hai, chemistry koun padayega.


Me:Accha hamari chemistry to bhut kahrab hai na MP board wali
Pragy: oye kisne kaha MP board walo ki chemistry acchi nahi hoti
Choti:Dekho pragy di jita jagta example
Me:Maregi tujhe rat ko beta isi ke room me sona hai tujhe aur aaj to intercom se bat karke bachane wala bhi koi nahi hoga.
Choti:Accha di aap kya le jane wale hoo batao na
Me:ok waise baatna to nahi tha par.. chalo baat deti hoo, Nilam di ki album se ek photo le ja rahi hoo
dono ek sur me : what !!
Me: Ha unke birth day wala
(ohh....... phir se dono ek sur me)
Both: Accha wo photo ! sari plan chopat kar diya ok le ja ham bhi yad rakhenge koi chor hamare hostel me rahta tha
Maine di ki album se wo photo nikal kar apne slam book me rakha bacha kucha saman sameta aur dusare safar ke liye kamar kas li ..
Photo jo mere bhachapan me churaye hue kattche aamo, adhapake amarudo aur school me chalk ke tukdo ke alawa bade hone ke bad pahli chori kah sakate hai

wo chori jise maine kuch hi ghnatoo me kabool kar liya.
Sham ko ghar pahuchte hi di ko call karke bola di aapka wo photo maine le liya hai
Aur uttar mila jo socha nahi tha
Mujhe pata tha ki tu wo photo laker jayegi maine to uski dusari copy banawane dal di hai !
Well chori nakamyab rahi kyonki photo ki malkin to pahle se hi dene ke mood me thi.
par... Koshish nakam nahi rahi kyonki wo sunahari yaad bankar aaj bhi mere kamre ki diwar par tanga hai aur aaj mere me bhi lagne ja raha hai Sampurn katah ka sar yah hai ki koshishe kabhi zaaya nahi hoti aur chori karana buri bat nahi hai. samjhe bhakt jano.Ab is katha ko padne wale sabhi priya-jan katha padne ki dakshina ke roop me ek ek comment post karenge !
Shree Beyond Me ki katha samapt !

4 comments:

Cosmos said...

I could see all the faces which i saw from that Guest Room. While reading this my eyes couldnt stop to be watered.
Chhoti, Pragya and Neelam di sabhi ka to audio visual show ho gaya yar.
Hope we will get those golden day of our life again. Specially wo Log jo bina kahe hi saari baton ko samajh jaya karte the.
Nice, Great and fantabulous

Vicky's world said...

yadein yad aati hai,

yar no words! main bhi apni yadon ko tatol raha hoon, it's 9:30am aaj toh lag raha hai ki sara din apni yadon main hi jayega.

thanks yar,

Me Thinks.. said...

humare paas to kuch alfaz hi nahi hai...
badi achchi cheez chrayi hai tumne, kuch bhi kho jaaye...memories never die..
I dont know these ppl but could visualise everything...
very well narrated...
keep it up..;)

mystupendoussalvation said...

Chorni tu chorrrrrrrrr
U know wat!! these are the memories I really wanna take from thsi hostel my first hostel & wid all u guys it cant be so happy thnx be here!!
and also Memories never Die they always go wid us till we die then our memories is in someone else heart!!
excellent post waise main choron se baat nahin karti par tumne Dil hi chura liya ab yeh cheezein manye nahin rehti hain na!!
Dil ki chorni!! naya naam!!