Khoj

Zindagi ek unsulajhi paheli, ek ansuni kahani

ek band darwajha, ek andheri kothri

Bin eto ki diware, diwaro se bana makaan

Chalpahal logo ki par aangana sunsan

Kabhi chidio si masum, kabhi Giddho si heiran

Ek pal hasi ek pal gam ki kahani hai

Kabhi bahta dariya, kabhi jangal si virani hai

Ek lamha jiye laga barso bit gaye

Kahi lamho ka ehasas hi nahi hai

Kabhi pyass hoti hai sabkuch pine ki

Kabhi lagta hai koi aas hi nahi hai

Kise dhoondte hai kaha dhoonte hai

Ya zindgi me kisi ki talash hi nahi hai

Kya khoya kahi jo diya tha zindagi ne

Ya pane ki ab koi aas hi nahi hai

Savere ko talashte hai andhere main

Par ujalo se ab koi aas hi nahi hai

Har pal apna samajh ke jite the kabhi

Ab mohara hai kis chal ka ehsas nahi hai

Kyo aye wo badal ghanere jaha me

Jinke barsane ki aas hi nahi hai

Khade the bahut karib ham manzil ke

Kyo chod aye isaka jawab hi nahi hai

Hasti rahi duniya Zindagi bhar hampar

Kyo socha hi nahi kabhi bethkar damabhar

Kya paaya kya chahte the tujhse aie zindagi

Talashte hai khudme par koi chahat milati nahi