Thursday, June 07, 2007

Chamakti aankhein


Jadui ghode, raja- rani,buddha kisan aur pariyo ki kahani sunate hue sara bachpan beeta. Waqt badala, log badale, rishte badale par meri kahaniyo ke ye kirdar hamesha wahi rahe na hi samay unhe badal paya aur na hi halat.

Roj sapano me kabhi kisan ka beta Ivan aakar Azagar se ladane lagta to kabhi jangle me ghomate ghomate do shair ke bacche apni maa se bichad jate. sapano ki wo duniya chahe kuch pal ke liye apni hoti thi par usake jaisa
apanapan kahi naa tha.
Aas-paas jine aur rahane wale sab the, par meri duniya inhi kahani ke kirdaro ke bich hi rahi. kabhi nani me mujhe Ivaan ki maa dekhai di to kabhi Dadaji me buda kisan. Daadi ke lambe safed baloo aur halake nile suti rajasthani base me wo mujhe kisi safed pari se kam najar naa aati thi. Hame kahani sunate hue unki aankho ki chamak bhi kahani ke romanch ke sath badati jati thi aur baadalo me pariyo ka mahal unki aankho me saf nazar aata tha. Daadi to pariyo ke desh chali gayi par us pari ko mere kale saye se bandh gayi.

Zindagi ne na-jane kitane moud liye har moud par laga kuch thaharu, aaram kar lu par un chamakati aankho ne kabhi rukane na diya. Amavas ki kali rat me bhi mere kale saye se chipaki us pari ne chand ko bujhane nahi diya.

Har kale ghane andhere me uska safed rang mujhe maa ke aanchal ki tarah lapete raha. Har tanhai aur bheed me jab bhi apane ko akela payaa, usaki
ek halki si muskrahat ne mujhe phir apani sapano ki duniya me kheech liya.

Kali kothri me jane se pahale hi wo chamakti aankhe aur chehare par vishwas bhari hansi ne chahkar bhi kuch galat karane naa diya. Aajtak wo pari bhitar hi rahi par ... achanak ! bas kuch logo aur najuk lamho ki mahrabani hui aur usane ehsas dila diya ki wo chamakati aankhe kabhi mera sath nahi chodane wali. mera bachapan chahe kitna piche choot gaya hoo bachapana kabhi nahi chootega.

Shayad ye jadoo ki duniya aur kahani ke kirdar har jane aur anjane cheharo me muskurate rahenge aur chamakati aankhein har andhere me roshani ke diye jalati rahengi hamesha..

4 comments:

Me Thinks.. said...

Beautifully written.. the kaal kkothari part was really good, mujhe sab kuch dikh raha tha...
achchi tarah...

pancholi.ravi said...

yaar bachpan yaad aa gaya

sirf ek baat
tera aatmvishwas bahut jabrjast hai yaar
realy great

Cosmos said...

Mujhe pahli line padhne ke baad hi sab kuchh samajh aa gaya pata nahi kyon.
lekin himmat nahi hui aage padhne ki. phir bhi maine padh liya.
Mujhe wo kahaniyon wali kitaab dikhai de rahi thi.

mystupendoussalvation said...

yaar i didnt get ur context of thsi post but such main woh parchaiyan kabhi peecha nahin chodengi atit ki kali raat mere daman main waise hi rahegi!! Bachpan se rubaru karane ke liye thnk u!! ;)